දළදා වීදිය මෙතුවක් කල් යොදා ගත්තේ දළදා පෙරහැර පැවැත්වීම ඇතුළු ආගමික කටයුතු වලටය. නමුත් මෑතක සිට දළදා වීදිය “රේසින් කාර්” තරග වලටද යොදා ගන්නා බව පවසන්නේ ඉමහත් සංවේගයෙන් යුතුවය. එළඹෙන දෙදහස් හයසීය බුද්ධ ජයන්තියට පිළිවෙතින් පෙළ ගැසීමට කර ඇති තවත් දෙයක්නම් දළදා මන්දිරය ඉදිරිපිට “රේසින් කාර් ට්‍රැක්” එකක් කිරීමය.
බුදු දහමට අනුව සියල්ල අනිත්‍ය බැවින් මේ ගැන ආසාව අඩු කරගන්නා ලෙස අබෞද්ධයෙක් හෝ මහාප්‍රාණ බෞද්ධයෙක් මෙහි පහලින් කොමෙන්ට් කරනු ඇත. ඊට පසුව තව ටික දිනකින් දළදා මැදුර තුළ කානිවල් එකක් ආරම්භ කළද, මිස් ශ්‍රී ලංකා තරගය පැවැත්වුවද, දළදා මැදුරේම සතරමහා දේවාලද ඇති නිසා අන්‍යාගම් වලටත් සමානාත්මතාවය දීම වස් ක්‍රිස්තියානි පල්ලියක් සහ මුස්ලීම් පල්ලියක් ආරම්භ කළද අපිට මේ දෙස උපේක්ශාවෙන් බලා සිටින ලෙස ඔවුන්ම පවසනු ඇත.
මේ අස්සේම තවත් කෙනෙක් “ධම්මෝ භවේ රක්ඛති ධම්මචාරී” ලෙසින් බණ පදයක්ද කොමෙන්ට් කර මේ ගැන අපි කලබල විය යුතු නැති බවත් ධර්මය විසින්ම දළදා මාළිගාව ආරක්ෂා කරනු ඇති බවද ප්‍රකාශ කරාවි. නමුත් මතක තබා ගත යුතු දේනම් ධර්මයේ හැසිරෙන්නාව ධර්මය විසින් ආරක්ෂා කරන්නේ ඔහුගේ ලෞකික ජීවිතය හෝ දේපළ නොව සංසාරයයි. ධර්මයේ හැසිරෙන්නාගේ සංසාරය එකකි, දළදා මාලිගාව තවෙකකි. ඇත්තෙන්ම මෙවැනි සරළ දේවල් පවා පැහැදිලි කිරීමට සිදු වී ඇත්තේ අපේ අයම බුදු දහම වැරදි තැනින් අල්ලාගෙන සිටීමද බුදු දහමට වින කරන අයගේ කුමන්ත්‍රණ නිසාදැයි කීමට නොහැකිය.
බුදු දහමට අනුව මේ සියලු දේම අනිත්‍ය බව පැහැදිලි සත්‍යයකි. නමුත් ඒ මතයේ සිටගෙන මේවා රැකගැනීමට අනවශ්‍යයැයි කියන උදවිය එසේ කියමින් මෙහි කොමෙන්ට් කරන්නේ නැතිව සහ අන්තර්ජාලයේ පැය ගණන් කාලය නාස්ති නොකර කරුණාකර නිවන් සෙවීමට උත්සුක වන්න. එක කොමෙන්ට් එකක් දාන මොහොතක් පාසා ඔබගේ කාලය අපතේ යයි. බෞද්ධයින්ට බෞද්ධ කම සහ ඒ ආශ්‍රිත පූජස්ථාන රැකගැනීමට අනවශ්‍යයැයි කීමෙන් සිදුවන්නේ එසේ කියනා අයගේ නිවන් සෙවීමට යොදාගත හැකි කාලය අපතේ යාමත් බුදු දහම රැක ගැනීමට ඉතිරිව සිටිනා බෞද්ධයින්ව අධෛර්යමත් වීමත්ය.
ඉතින් මේ සිද්ධිය සම්බන්ධයෙන් ඔබ කළ යුත්තේ කුමක්ද යන්න තීරණය කිරීම ඔබට බාරය.
ඔබගේ විශේෂත්වය සහ හැකියාවන් අනුව එය තීරණය වනු ඇත.
මතකතියාගන්න, මෙය මුට්ටිය දමා බැලීමක් විය හැකිය.
[http://sinhalabuddhist.com/wp-content/uploads/2011/03/sri-dalada-maligawa-71-500x345.jpg]
http://sinhalabuddhist.com/2011/03/sri-dalada/#ixzz1GSyBHlDe
No comments:
Post a Comment